شہر جمشیدپور اور اس کی نواحی علاقوں میں برسوں سے متحرک تنظیم سینٹرل ریلیف اینڈ ویلفیئر ٹرسٹ اپنی ملی و سماجی خدمات کے لیے جانی پہچانی جاتی ہے

تنظیم اپنے قیام کے سال 1980 سے یی قدرتی آفات و فرقہ وارانہ فساد کے متاثرین و مظلوموں کے درمیان فوری راحت رسانی کے لیے مسلسل جدوجہد کرتی آ رہی ہے۔ وطن عزیز میں کہیں بھی کوئی حادثہ پیش آئے خواہ وہ فرقہ وارانہ فساد کے واقعات ہوں، طوفان، زلزلہ، سیلاب کی تباہ کاریاں ہوں، جھگی جھوپڑی یا بستیوں میں آگ زنی کا قہر ہو، غیر سماجی عناصر یا حکومت کے ذریعے انسانی آبادی کو اجاڑا گیا ہو۔ ایسے تمام حالات میں سینٹرل ریلیف ویلفیئر ٹرسٹ کے ارکان تباہ حال لوگوں کی امداد کو اپنا دینی اور ملی فریضہ سمجھتے ہوئے بغیر وقت ضائع کئے مظلومین و متاثرین کے درمیان پہنچ کر ان کی دادرسی کرتے ہیں۔ اور اپنے ہاتھوں سے ان کی فوری امداد کرکے ان کی ہمت اور حوصلہ بڑھاتے ہیں۔